Monday, May 20, 2013

Մառազմատիկ օրենք Ադրբեջանում. հայի հետ շփվելը՝ քրեական հանցագործություն

Kultura.az-ից հայտնում են՝ Ադրբեջանում առաջադրվել է «Ադրբեջանական հանրապետության օկուպացված տարածքների մասին» նոր օրինագիծ, ըստ որի Ադրբեջանի մասնավոր ու իրավաբանական անձանց արգելվում է որևէ համագործակցություն ունենալ Հայաստանի պետական, մասնավոր, առևտրային ու ոչ առևտրային որևէ սուբյեկտի հետ աշխարհի ցանկացած կետում: Կարճ ասած՝ նույնիսկ չբարևել հայերին, մինչև հայերն Արցախը հետ չտան:

Մոտ ապագայում օրինագիծն Ադրբեջանի պառլամենտում քննարկման կդրվի:

Կեցցե Անդրկովկասը՝ մարդու իրավունքների տեսանկյունից ամենադալբայոբ տարածաշրջանն աշխարհում:

Բռնություն Վրաստանում. Հոմոֆոբիայի դեմ պայքարի օրը վերածվում է հոմոֆոբների տոնի

Իհարկե, մենք երևի արդեն հաշտվել ենք այն մտքի հետ, որ Հայաստանում ժողովրդավարություն չկա ու մարդու իրավունքների ակտիվիստներին ընդունված է տալ «գրանտակեր» վիրավորական որակումը, բայց երեք օր առաջ Վրաստանը մեզ թքեց-անցավ: Ավելին՝ տեղական մաֆիան եկեղեցին նույնպես ցույց տվեց իր դեմքը (ինչը մեզ էլ պետք է նախազգուշացում հնչի՝ եթե եկեղեցին հնարավորություն ունենար վառել մարդկանց, որոնց նզովում է, նա դա կաներ):

Ինչպես հայտնում են մեր ընկերները Unzipped: Gay Armenia բլոգից (ու եթե ձեզ նեղում է այն փաստը, որ ես LGBT խնդիրներով զբաղվող բլոգն անվանում եմ ընկեր, давай до свидания), տեղական իրավապաշտպան ակտիվիստները մայիսի 17-ին՝ Հոմոֆոբիայի դեմ պայքարի միջազգային օրը, որոշել էին 30 րոպեանոց լուռ ֆլեշմոբ անել, որով ուշադրություն կգրավեին LGBT մարդկանց խնդիրների նկատմամբ:

Արդյունքում՝ որոշ հաշվարկներով մինչև քսան հազարի հասնող հոմոֆոբ ամբոխ, որոնց առաջնորդում էին ուղղափառ տերտերները (այսօրվանից վրացական տերտերներին ես անվանելու եմ «տաբուրետկա», ցույց կտամ, թե ինչու): Արդյունքում՝ բռնություն, կատաղած ամբոխ ու լիքը նման բաներ:
Լուսանկարը՝ Օննիկ Կրիկորյանի
Արդեն հայտնի «տաբուրետկայով հարձակվող» նկարը, աղբյուր՝ liberal.ge
Ինձ թվում է՝ ամոթանքի խոսքերը վրացական հանրությանն ու գերագույն տաբուրետկա պատրիարք Իլյային ուղղելն արդեն անիմաստ է, վրաստանի հոմոֆոբներն ու տաբուրետկաներն արդեն ապացուցել են իրենց անամոթ ու պադոշ լինելը: Բայց պետք է ֆիքսել, որ դրանով վրացական եկեղեցին ինքն իրեն դրել է նույն մակարդակի վրա, որին պատկանում են, ասենք, ամերիկյան անասուն կրոնական երևույթները՝ Wesboro Baptist Church-ն ու նման այլ զիբիլներ: Այլ կերպ ասած, այն կրոնական կառույցը, որն ԱՄՆ-ում շիզոների խումբ է համարվում, Վրաստանում գերիշխող կրոնական կառույց է:

Ամբողջ տարածաշրջանը վերածվում է մարդու իրավունքների դժոխքի: Համոզված եղեք, եթե այս երկրների կառավարությունները ստիպված չլինեին գոնե ցուցադրաբար ու գոնե էպիզոդիկ պահպանել ՄԻԵԿ դրույթները, այն բոլոր մեղադրանքները, որ հնչում են մուսուլմանական երկրների հասցեին, կարելի կլիներ հնչեցնել նաև մեր հասցեին:

2013 թ. մայիսի 17-ը վրացական պատմության մեջ կհիշվի որպես ամոթի ու ստորացման օր: Իսկ վրացական եկեղեցին՝ որպես անհանդուրժողականության, բռնության ու հալածանքի որջ:

Unzipped: Gay Armenia բլոգի երեք հոդվածներն այս թեմայով.

Friday, May 17, 2013

Google+. նոր ինտերֆեյս

Google+ սոցիալական ցանցն այսօր փոխել է իր ինտերֆեյսը, ավելի կենտրոնացված նկարները հոսքի մեջ ցույց տալու վրա. 



Հայտնի փաստ է, իհարկե, որ եթե Facebook-ի թարմացումներն օգտագործողները ատամներով են ընդունում, ապա Google+-ի թարմացումներն ընդունվում են ուրախությամբ, ու այս դեպքն էլ բացառություն չի:

Տվյալ դեպքում նոր ինտերֆեյսը լուծում է բոլոր բողոքները, որ էկրանը նախորդ երկու տարբերակներում օպտիմալ չէր օգտագործվում՝ ինֆորմացիան ցուցադրվում էր էկրանի բավականին փոքր հատվածի վրա: Այժմ ինչքան էլ մեծ լինի ձեր էկրանը՝ այն ամբողջապես զբաղված է մարդկանց պոստերով:

Չատը վերջնականապես փոխանցվել է Google Talk-ից Google Hangouts-ի: Իմ դանդաղ համակարգչի ջանը սաղ լինի:

Ցանկացած դեպքում, հաջող թարմացում է, բոլորը կարծես թե գոհ են:

Wednesday, May 15, 2013

Twitter-ի հայերեն տեղեկատու

Վաղուց էի որոշել նման մի բան անել, միշտ հետաձգում էի: Վերջապես սկսեցի:

Նյութը լինելու է մնեմոնիկ, հնարավորինս պարզ, առանց ավելորդությունների, նախատեսված սովորական հայ ինտերնետցուն արագ Twitter համակագրի հետ ծանոթացնելու համար:

Հետո երևի կտեղադրեմ ՀայIT.org-ում ու իմ սեփական տեխնիկական Բեքլոգում:

Եթե ունեք նկատողություններ, ցանկություններ, առաջարկներ, շնորհակալ կլինեմ, եթե դրանք անեք հիմա, ոչ թե վերջացնելուց հետո:)))

Monday, May 13, 2013

«Փոքրիկ Զորավարը», կամ я ваш страна киноиндустрия шатал

«Դու կինո՞ ես, թե՞ խայտառակություն, ԱՐԱ՛»
Եթե հիշում եք, ես ժամանակին անդրադարձել էի «Ցասում» անունով հայտնի կինոխայտառակությանը: Բռնվեք. «Ցասումը» փառք էր համեմատած նրա հետ, ինչ ձեզ սպասում է «Մոսկվա» և «Նաիրի» կինոթատրոններում հունիսի 1-ից:

Նախքան կանդրադառնամ «Փոքրիկ Զորավարը» ֆիլմին, կցանկանայի դիմել վերոհիշյալ կինոթատրոնների ղեկավարություններին. դուք ինչո՞վ եք մտածում:

Wednesday, May 8, 2013

Բլոգնյուզին նվիրվում է

Իհարկե, արդեն հաճախ չի պատահում, որ դրանք այստեղ երևան, բայց, փաստորեն պատահում է:) այնպես որ, որոշեցի իրենց մի փոքրիկ գեղեցիկ պոստ նվիրել բարի, մանկական հաղորդման տեսագրությամբ:


Միայնակ բլոգգերի պայքարը Nutella-ի դավադրության դեմ

Շարունակելով Nutella-ի գործով դավադրության հետաքննությունը, հազիվ եմ հասցնում պարզել, որ Ferrero ընկերության հիմնադիր Պիետրո Ֆերրերոն եղել է Propaganda Due իտալական մասոնական օթյակի բարձրաստիճան անդամ, տեսնում եմ, որ իմ դեմ արդեն քայլեր են սկսել ձեռնարկել. Blognews-ն արդեն իմ նյութը ցրել է, ինչն ամենատհաճ բանն է, որ կարելի է անել իմ բլոգի նյութերի նկատմամբ:

Propaganda Due մասոնական օթյակը 1945-1976 թթ. գործում էր որպես պաշտոնական մասոնական օթյակ՝ Իտալական գրանդ օրիենտի հեղինակությամբ, իսկ երբ 1976 թ. ապրիլի 18-ին Իտալիայի սահմանադրությունն արգելեց գաղտնի կազմակերպությունների գործունեությունը, այն շարունակեց իր գործունեությունը որպես գաղտնի, ապօրինի օթյակ:

Հետաքրքիր պատահականություն. Nutella-ի առաջին տարբերակը՝ հայտնի որպես «Pasta Gianduja» վաճառքի է հանվել Propaganda Due մասոնական օթյակի հիմնադրումից... ուղիղ մեկ տարի անց: Բայց մենք պատահականությունների չենք հավատում, չէ՞:

Իսկ հիմա՝ Nutella-ի կեղտոտ գաղտնիքներից մեկը, որոնց մասին հաճախ լռում են: 2008 թվականին Yahoo Answers ծառայության անդամներից մեկը՝ հայտնի Shoopuf09 մականվամբ, հայտարարեց, որ իր մոտ կախվածություն է Nutella-ի նկատմամբ: Ավելին, նա հայտարարեց, որ երբ հացը վերջանում է, նրա մոտ այնպիսի հուսահատություն է սկսում, որ նա քսում է Nutella-ն տարբեր այլ իրերի վրա: Ինչպիսի՞ օգնություն նրան առաջարկեցին: Նրան ասացին, որ Nutella-ն աշխարհի ամենալավ ուտելիքն է ու որ նա չպետք է դիմադրի Nutella ուտելու ցանկությանը:

Համոզվա՞ծ եք, որ հենց ձեր երեխան հենց հիմա կախվածություն չի ձեռք բերում այդ սարսափազդու նյութից: Հաշվի առեք, որ այն պարունակում է.
  • 16% վնասակար/հագեցած ճարպեր
  • 42% շաքար
  • 34% չհագեցած ճարպեր
Հետևանքների մասին կարող եք դատել ինքներդ: Աթերոսկլերոզ, ճարպակալում, վնաս երիկամներին, շաքարախտ:

Դեռ 2007 թվականին երկու իտալացի բլոգերներ՝ Սառա Ռոսոն ու Միշել Ֆաբիոն կարողանում են հասնել նրան, որ փետրվարի 5-ը հայտարարվում է... Nutella-ի միջազգային օր: Ու նորից պատահականություն. այդ օրը համընկնում է հայ պատմագիր և բանաստեղծ Սիմեոն Ապարանեցու ծննդյան օրվա հետ: Արդյունքում, ամբողջ աշխարհը գիտի Nutella-ի մասին ու նշում է նրա միջազգային օրը, այնինչ Սիմեոն Ապարանեցու ծննդյան օրվա մասին հիշում են միայն նրա տնեցիները:

Այնինչ Nutella-մանների կրքերը թեժանում են: Կենտրոնական Գերմանիայում տեղի է ունեցել գողություն: Գողացել են... 5 տոննա Nutella: Պատկերացրեք, թե սև շուկայում ինչ շրջանառություն կսկսեն Nutella-բարոնները: Պատկերացրեք, որ այդ գողացված Nutella-ն կարող է հայտնվել հենց քո՛ հայրենիքի փողոցներում:

Ես վախենում եմ այն օրվանից, երբ այդ սև մահը կտիրանա մեր երեխաների հոգիներին, երբ երեխաները կսկսեն փողոցում կոկաին վաճառել, որպեսզի աշխատած փողով մտնեն սուպերմարկետ՝ Nutella-ի հերթական դոզան գնելու համար:

Մայիսի 10-ի արևի խավարումը

Ու նորից մեր բախտը չի բերում՝ ամսի 10-ի արևի օղակաձև խավարումը հիմնականում կտեսնեն Ավստրալիայում ու Պոլինեզիայում: Ինչպես նախորդ անգամները, գոնե լուսանկարներ կլինեն:

Եկեք հիշենք արևի խավարման տեսակները (ինչից հետո երկնային մարմինները դիտել սիրողներին լավ նորություն էլ կհայտնեմ).
  • ամբողջական խավարում, երբ լուսնի սիլուետն ամբողջությամբ ծածկում է արևը (ու կարելի է տեսնել լուսնային հովիտների գծագրությունն, ի միջի այլոց),
  • օղակաձև խավարում, երբ լուսնի սիլուետն ավելի փոքր է, քան արևինն, ու արևը երևում է լուսավոր օղակի տեսքով,
  • հիբրիդային (ամբողջական/օղակաձև) խավարում, երբ տարբեր պահերի խավարումը տատանվում է ամբողջականի ու օղակաձևի միջև,
  • մասնակի խավարում, երբ արևն ու լուսինն այնքան էլ նույն գծի վրա չեն ու լուսնի սիլուետը ծածկում է արևի միայն մի մասը:
Իսկ հիմա՝ լավ նորությունը:

Դատելով աջի սխեմայից, այս տարվա նոյեմբերի 3-ի հիբրիդային խավարումը մեզ մոտ տեսանելի կլինի ուղիղ մայրամուտից առաջ: Հիշենք նաև, որ հիբրիդային խավարումները համեմատաբար հազվադեպ են պատահում:

Մեզ մոտ դա կլինի 0,115 ուժգնությամբ մասնակի խավարում (տպավորություն կլինի, թե ինչ-որ մեկն արևից կտոր է կծել), կսկսի GMT+4 17:22:10-ին, իր գագաթնակետին կհասնի 17:53:19-ին ու կավարտվի 17:54-ին:

Երևանում տեսանելի մոտակա ամբողջական արևի խավարումը տեղի կունենա 2060 թվականի ապրիլի 30-ին:

Tuesday, May 7, 2013

Nutella-ի ու քրաուդսորսինգի մասին

Պատկերացրեք իրավիճակ՝ 2012 թվական: Nutella ապրանքանիշն արտադրող Ferrero ընկերությունը պարտվում է դատական գործը, որը ֆիքսում է, որ ընկերությունն իր գովազդներում գնորդներին խաբել է, երբ ասել է, որ Nutella-ն սննդարան և օգտակար է: Կարելի էր կանխատեսել վաճառքների անկում սկանդալի կապակցությամբ:

А фиг вам, Nutella-ի վաճառքները բարձր են, ինչպես երբեք: Ինչպե՞ս: Nutella-ի մասին կատակներն ինտերնետում առկա էին դեռ 2008-ից: Բայց հենց 2012-ից հայտնվում են խիստ ծիծաղելի կատակներ Cracked, Memebase, Meme Center, FunnyJunk ու Reddit աղբյուրներում (բոլորն էլ հայտնի են նրանով, որ օգտագործողի անձն առանձնապես էական չի ու վերջինիս իրական անձ լինելը պարտադիր փաստ չի): Կատակները մոտավորապես նույն բնույթի են, ինչ Չակ Նորիսի մասինները՝ ներկայացնում են Nutella-ն որպես աշխարհի ամենահամեղ ուտելիքը: Միանգամից կատակները ստանում են բարձր ռեյտինգներ: Ծիծաղելի նկարներ տարածող ֆեյսբուքյան խոշոր էջերը, բնական է, սկսում են տարածել այդ կատակները:

Ու հանկարծ Nutella-ն սկսում է ասոցացվել... վերջերս մոդայիկ դարձած հիպստերների ենթամշակույթի հետ:

Ահա ինտերնետում Nutella-ի որոնման ակտիվության գրաֆիկը.

Իհարկե, դժվար է վստահ պնդել, թե սա կանխամտածված պիառ-ակցիա է, բայց եթե ինչ-որ մեկը կարծում է, որ Ferrero-ի պիառ տեխնոլոգիաների բաժնում հիմար մարդիկ են նստած, ապա սխալվում եք: Նման ընկերությունների պիառ-մասնագետները տարիներով ուսումնասիրում են գնորդի հոգեբանությունը: Այս հարցում ես պատահականությունների չեմ հավատում՝ եկեք հիշենք, թե ինչպես են որոշ կորպորացիաներ հեղինակազրկել և ավիրել Kazaa p2p ցանցն այնտեղ վնասված, վիրուսոտ, սխալ դաունլոուդներ տեղադրելով, ինչպես են վճարել երրորդ ընկերությունների, որպեսզի ddos հարձակումների ենթարկեն Demonoid, Rutracker ու ThePirateBay տորրենտային կայքերը:

Այլ կերպ ասած. եթե ճիշտ ժամանակին գործել է ինտերնետային հանրության հոգեբանության կոնկրետ առանձնահատկությունն՝ ի օգուտ կոնկրետ բրենդի, երբ վերջինս խոցելի էր, պատահականության հավանականությունը նվազագույն է:

Իսկ հիմա մտածեք. ինտերնետով ձեր տեսած նյութերի քանի՞ տոկոսն է, որ դուք տեսնում եք, քանի որ ինչ-որ մարդիկ ցանկանում են, որ դուք դա տեսնեք:

«Թայլեր Կիրկի վերջին լուսանկարը», կամ ԶԼՄ-ների ու բուլշիթի մասին

Վերջերս սնկերի պես բուսնած ու կասկածելի հեղինակությամբ ինտերնետային ԶԼՄ-ներով ու պսևդո-ԶԼՄ-ներով երբ սկսում են տարածվել բուլշիթի զանազան օրինակներ, մարդու բերանը բաց է մնում:

Օրինակ՝ վերջին դեպքը: Ռուսական բլոգոսֆերայում հայտնվում է այսպիսի ոգեցունց լուսանկար էլ ավելի ոգեցունց պատմությամբ.
Ես, իհարկե, չգիտեմ, թե ով է այսպիսի ապուշություններ հորինելով բլոգի կոնտենտ ստանում, բայց բուլշիթ-դետեկտորս միանգամից սկսեց զնգալ: Ըստ նկարի որոնելով առանձնապես արդյունքի չհասա, բայց նկարի թեմատիկան հուշող էր. իրականում սա 2004 թվականում Դանիայում թողարկված «Վիլհելմ Տել» ֆիլմի պլակատն է (եթե հիշում եք Վիլհելմ Տելի պատմությունը, նա ստիպված էր սեփական տղայի գլխից նետով խնձոր գցել): Ահա այն.
Ահա և հոդված բուն ֆիլմի մասին:

Հարգելի ֆեյսբուքում 54,851 բաժանորդ ունեցող Operativ.am, հարգանք ունեցեք սեփական ընթերցողի նկատմամբ: Ախր ամեն ինչ պարզից էլ պարզ էր:

Ու պարզ էր՝ սկսած առաջին նախադասությունից: «Շատերն են տեսել այս լուսանկարը, բայց ոչ բոլորը գիտեն դրա պատմությունը»: Դուք տեսե՞լ էիք: Ես առաջին անգամ տեսա: Ու երևի գրեթե բոլորն առաջին անգամ տեսան: Ովքե՞ր են այդ շատերը, որ տեսել են այս լուսանկարը, բայց պատմությունը չգիտեն:

Ու վերջապես. ինչպե՞ս է ստացվում, որ իբր թե ԱՄՆ-ում տեղի ունեցած դեպքի մասին գրեթե բոլոր հիշատակումները ռուսական բլոգոսֆերայում են, ու միակ անգլերեն հիշատակումը, որ ես կարողացա գտնել, շատ անգրագետ թարգմանված էր հավանաբար Google Translate-ով (որոշ բառեր ոչ թե թարգմանված էին, այլ պարզապես տրանսլիտերացված):

Այնպես որ, մեծ ֆեյսպալմ ու մեծ ամոթ բոլոր դյուրահավատներին:

Saturday, May 4, 2013

Օրվա երաժշտությունը

Belle & Sebastian, "The Loneliness of the Middle Distance Runner"


Friday, May 3, 2013

Я ваш дом труба телегонировал. հոդված դալբայոբության ու տելեգոնիայի մասին

«Երբեք մի թերագնահատիր հիմար մարդկանց ուժը, երբ նրանք մեծաքանակ են»:

Նախապես զգուշացնում եմ, որ հոդվածը գրվել է աֆեկտի վիճակում: Ձգտել եմ հնարավորինս խուսափել տարբեր մարդկանց հայհոյելուց, բայց ոռացավ ստանալու հավանականությունը կրիտիկական է:

Տելեգոնիայի թեմայի վրայով ես մի անգամ ժամանակին հիմնովին անցել եմ, եթե հիշում եք, այս հոդվածում:

Հիմար մարդիկ ֆիզիոլոգիայի ասեմ, թե հոգեբանության՝ մի առանձնահատկություն ունեն. երբ իրենց սխալը գիտականորեն հիմնավորում ես, իրենց ուղեղը կախում է ու իրենք սկսում եմ քեզ չլսել: Եթե նույնիսկ կարողանում ես իրենց հիվանդագին թափառել սկսած ուշադրությունը կենտրոնացնել ու մեծ ջանքերով ինչ-որ բան իրենց գլխի հաստ կեղևից ներս մտցնել... ամենաշատը մի օր տևող տրավմատիկ ապրումներից հետո հիշողությունից ասածդ արտամղվում է:

Կարճ ասած, դիմավորեք տելեգոնիկների նոր ալիք:

Օրինակ 1. «Քյառթու գռուզիտ»
Ամեն ինչ սկսեց բավականին անմեղ՝ ինչ-որ Ճ կարգի ֆեյսբուքյան էջ ինչ-որ Ճ կարգի ռեսուրսի Ճ կարգի հոդված էր շեյր արել՝ «Տելեգոնիա կամ ինչու՞ կույս մնալ» վերնագրով:

Առաջին իսկ նախադասությունից իմ տակի աթոռից բարձր ինտելեկտով մարդը կհասկանա, թե ինչ գոհար մը է այդ հոդվածը.
Թերևս կուսությունը պահպանելու թեման արծածվել է բազմիցս։ Գոյություն ունի նույնիսկ գիտություն, որը զբաղվում է այդ խնդիրների ուսումնասիրությամբ։
Գիտություն, որը զբաղվում է կուսությունը պահպանելու խնդիրների ուսումնասիրությամբ: Ինչպե՞ս է կոչվում այդ գիտությունը. չդոմփվելագիտությու՞ն, նիդատռախոլո՞գիա, մասուրբաբանությու՞ն, թե՞ ինչ-որ նման մի բան: Բայց դե հիմա, հետո հոդվածը հանկարծ դադարում է հոդված լինել ու սկսում է նմանվել «գռուզիտի».
Ասենք, երբ հարազատ որդիդ ծնվի սևամորթ, կարո՞ղ ես արդյոք "համոզել" ամուսնուդ, որ տարիներ առաջ օտարերկրացի զբոսաշրջիկի հետ անցկացրած "բուռն գիշերվա արգասիք" է դա...
Ու հետո, որ գրածը հասարակ բարոյախրատական բանի նման չլինի, ինչ-որ ռուսական գավնոռեսուրսի պսևդոգիտական գավնովիդեո:

Օրինակ 2. «Հալալ կաթնատու մերացուներ»
Ընդհանուր առմամբ, եթե դու իգական սեռի ներկայացուցիչ ես, ու քեզ վերաբերվում են, ասենք, ինչպես մերացու խոզի, կովի կամ այլ անասունի, ու դու դրա հետ հաշտվում ես, ապա միգուցե և ճիշտ են վերաբերվում: Սա հենց այնպես, ի միջի այլոց եմ ասում:

Գործողությունների վայրը՝ ինչ-որ վիրտուալ գեղ ինտերնետում, ինչ-որ Տիգրան Հախունցի բլոգ (ազգանունից դատելով՝ գորիսեցի է):

Հոդվածի վերնագիրը՝ «Տելեգոնիա. Ավանդապաշտության գիտական հենքը.»: Եթե մեր Հախունցը (հետաքրքիր է, ռուսերեն այս ազգանունն ինչպես կհնչի) «գիտական հենք» է համարում հնացած ու մերժված հիպոթեզը, ապա պարզ է, թե մարդն ինչքան հեռու է գիտությունից: Բայց հոդվածի տեքստը նույնպես «ադամանդ մըն» էր.
Հնուց ի վեր Հայաստանում առողջ գենոֆոնդը պահպանվում էր ի շնորհիվ մեր պապերի,որոնք գիտակցում էին,որ առողջ գենոֆոնդ ստեղծելու կարևորագույն նախապայմաններից է հարսի կուսական մաքրությունը:
Այսքան փոքր տեքստում տեսնում ենք, որ Հախունցը սխալ է հասկանում գենոֆոնդ, առողջ, հայ նախաքրիստոնեական մշակույթ, մաքրություն տերմինները: Փոխարենը մարդը եվգենիկայի ձգտող պնդումներ է անում: Իմ դեմքը տեքստը կարդալիս մոտավորապես այսպիսին էր.


Ընդհանուր առմամբ, եթե Հախունցի հոդվածը ձեզ չի վիրավորում, ապա դուք պարզապես չեք գիտակցում, որ, ըստ նրա, ձեզ ու մնացածին պետք է խաչասերել ինչպես անասունների՝ առողջ գենոֆոնդ ստանալու համար: Տրամաբանական շարունակությունը՝ եթե ձեզնից ինչ-որ մեկի գենոֆոնդն ըստ հեղինակի, առողջ չի, նա չպետք է Հայաստանում սերունդ տա (փափուկ դեպք) կամ պետք է ոչնչացվի (կոշտ դեպք): Եվգենիկան նացիստական Գերմանիայի ամենազզվելի դոկտրինաներից էր:

Բայց ի՞նչ հզոր ճշմարիտ արիական տեսություն, եթե դրա դեմ չեն դավադրում դավադիր հրեամասոնաիլյումինատները: Հախունցը բարձրացրել է նաև այդ հարցը.
Բայց քանի որ Տելեգոնիայի հայտնագործումը ի հայտ բերեց շատ բարձրաստիճան այրերի իրական ասիական ծագումը,ապա այն շուտով թաքցվեց մարդկանցից:
Չգիտես ինչու՝ չի պատահում էլի, չի կպնում որ մարդը հավատա կոնկրետ մի դալբայոբ բանի: Երբ մեկը հավատում է մի դալբայոբ բանի, վեներական հիվանդությունների նման մնացած դալբայոբ բաներն էլ են նրա վրա սկսում հավաքվել: Տելեգոնիա, եվգենիկա, դավադրությունների տեսություններ, սխալ հասկացած ու անառողջ կոնսերվատիզմ, էլ ինչ ասեմ:

Լավ, գրողի ծոցն այս անասուն հոդվածն, անցնենք առաջ:

Օրինակ 3. «Պռադվինուտի» դպրոցը պսևդոգիտություն է քարոզում
«Մխիթար Սեբաստացի» կրթահամալիրի հիմնական դպրոց-պարտեզի էջում ոմն Հայկազ Մարգարյան տելեգոնիայի քարոզ է բրդում: Չե՞ք հավատում: Ահա հղումը:

Վերնագիրն արդեն փայլում է. «Ավանդական բարոյականության գաղտնիքները. գիտությունը հիմնավորում է “կարմիր խնձորի” ադաթը»: Գիտությունը, սիրունիկներս, վաղուց ժխտել է տելեգոնիան: Եթե նույնիսկ գենետիկան գոնե սիրողական մակարդակի ուսումնասիրելու մտավոր ունակություններ չունեք, բացեք Վիկիպեդիան ու կարդացեք:

Որ հոդվածս չդառնա Տոլստոյի «Պատերազմ և խաղաղություն» վեպի չափսերի, պարզապես բերեմ այս թեմայով դալբայոբ հոդվածների ցանկ.