Tuesday, August 9, 2011

Ընթերցանության հանրապետական առաջին մրցույթ, շարունակությունը

Ինչպես հիշում եք, մի քանի գրառում առաջ ես երկու խոսքով գրել էի ընթերցանության հանրապետական առաջին մրցույթի մասին ու խոստացել էի ռեակցիաս գրել, հենց ժամանակ լինի:
Նախ՝ մրցույթի մասին առավել մանրամասն: Այն իրականացվում է Երևանի քաղաքապետարանի ու «Էդիթ Պրինտ» հրատարակչության համագործակցությամբ: Մասնակցել կարող են դպրոցականները, երկու տարիքային խմբերով. 2-4րդ ու 5-7րդ դասարաններ:
Մրցույթի մասին պաշտոնական հայտարարություն ու հայտեր՝ այստեղ:
Իհարկե, դասարանների քանակի ու դպրոց ընդունվելու տարիքների վերջին փոփոխությունների հետևանքով ես կդժվարանամ նշել տարիքային խմբերը, բայց մեկ է, գրականության ցուցակը, որ տրվել էր երեխաներին, ավելի, քան անմխիթար էր. 2-4րդ դասարանների համար՝ սա, 5-7րդ դասարանների համար՝ սա:
«Մանըմ իշմար, Մուստաֆա
էֆենդի»
Ռեակցիաս միանշանակ է. այն, որ կազմակերպիչները հպարտորեն նշել են՝ «Բոլոր գրքերը հրատարակված են «Էդիթ Պրինտ» հրատարակչության կողմից», անձամբ ես հասկանում եմ այսպես՝ մրցույթի նպատակներից մեկը մարդկանց վրա կոնկրետ հրատարակչության գրքեր սաղացնելն է:
Ժողովուրդ, դուք սովետից մի քայլ այս կողմ չեք եկել: Ընթերցացուցակի գրքերը երևի մեր ծնողների ժամանակից դպրոցական ծրագրից դուրս չեն եկել: Փոխանակ ընթերցանությունը խթանելու համար առավել հետաքրքիր գրականություն թարգմանելու ու հրատարակելու, մեր խիստ սիրելի քաղաքապետարանն ու «Էդիթ Պրինտը» որոշել են... հին, ինքն իրեն խայտառակ  ձևի չարդարացրած նյութը կրկին հրամցնել երեխաներին: Ասել է թե՝ միայն սպորտային տարր ու շահադիտական բնույթ ավելացնելով: «Անհրաժեշտ է անգիր սովորել առնվազն երեք բանաստեղծություն»: Ու ի՞նչ: «Զուբրիտ արա երեք ոտանավոր ու կշահես տելեվիզատոր»:
Բնավ զարմանալի չի, որ սովետի փլուզվելուց հետո միանգամից ծլեցին-ծաղկեցին... լոտոները: Ազգի ու ղեկավարության հոգեբանությունն է լոտոյի:
Այնպես որ, ինչ եմ սպասում մրցույթից՝ լիարժեք «պառավոզ շոու», «ախ լազերը, լազերը», գրանտալափություն, «բուռն գործունեության իմիտացիա»: Արդյո՞ք այն երեխաներին կմղի սիրել գիրքը:
Ո՛Չ:

No comments:

Post a Comment